منتديات ابن السعودية , منتدى ابن السعودية , ابن السعودية , منتدى سعودي خليجي عربي

الـشــوق مـالــه عــمــر , يـفـنــى ويـنـعــاد

له في الضلوع أن عـاد وأن غـاب رجفـه

مــع كــل فـرقـا , لــه ورى الجـفـن مـيـلاد

وأن مـاتـت الفـرقـا لـقــى الـشــوق حـتـفـه

جـيــت أقـتــل الـفـرقــا مــــن بــــلاد لـبــــلاد

مــــلّ الـطـريــق يـشـيـلـنـي فـــــوق كـتــفــه

وأنـــا بـعــد مـلـيـت مـــن كـثــر مـــا أرتــــاد

هـالـشـارع الـلــي كـــان لـــك فـيــه شـرفــه

تظـمـأ عيـونـي شـوفـك , وتشـبـع سـهــاد

عــيّــا الــزمــن يـقـطــع ظـمــاهــا بـرشــفـــه

لاوجــهــك أسـقــاهــا , ولا ذاقـــــت رقـــــاد

مـاغـيـر طـيـفـك , طـيـفـك الـلــي أعــرفــه

كـنّــه ظــبــي , وعـيـونــي ظــــلال صــيــاد

يــجــفــل قـــبـــل يـــرتـــد لـلـجــفــن طـــرفـــه

مشكـلـتـه أنـــه كـــل مـــا أشـتـقـت يــــزداد

حــتـــى مـــــلا جـــــدران وقــتـــي وســقــفــه

وأصـبـحـت أشـوفــه فـأول الـغـيــم لاجــــاد

وفـأقصى الشفق لاطاحت الشمس خلفه

وفي الأرض لانامـت عقـب صـوت رعـاد

وفــي كـــل شـبــاك ٍ صـحــت مـنــه درفـــه

أتـعـبــت طـيـفــك لــــوم , والــلــوم مــافـــاد

ويــوم الأمــل فــي شوفـتـك مــات نـصـفـه

نـويــت أســافــر عــنــك بــجــروح ٍ جــــداد

وعـمـر ٍ مــن أوراق الـزمـن حــان قـطـفـه

نـويــت , لـكــن جـابـنـي الـشــوق مـنـقــاد

وجـابـك حنيـنـك , والـزمـن ســال عـطـفـه

شفـتـك تـبـسّـم لـــي خـجــل مـــدري عـنــاد

وفـي نظرتـك شـوق ٍ مـن الظـلـم وصـفـه

حـسـيـت كـنــي طـفــل , وعـيـونـك أعـيــادي

اعـيـدي الـلـي لـــه ورى الـصــدر رجـفــه

ســـمّ الـلـقــا صــدفــة , وأسـمّـيــه مـيـعــاد

أنـــا أنتـظـرتـك , وأنــــت مــريــت صــدفــه

لـ ( فهد المسآعد )

’

’