قصيدة وتقول احبك : للشاعر ناصر الوبير

وتقول احبك .. ؟ ياخي تكفى عشاني ، !!
لا تقول شي اكبر من إحساسك ، شفيك ؟

تعبت اشيلك ، ( بالضلوع ) المحاني ، ،!
تعبت من هذا الحزن .. وين اوديك ؟؟

طبيعي اسكت واخلق احساس ثاني
هزمتني .. لين ( انكسر ) قلب يغليك !

احب فيك احساسك الأولاني
يوم اهتمامك بالعلاقة محليك

تدري متى اشعر باني ذاك الاناني ؟
لا شفتهم عندي ( يجيبون ) طاريك !

اسكت .. ولا آسولف لهم عن حناني
ماودي حتى بالحكي نشترك فيك ، !

حب من ( طرف واحد ) لو انه كفاني
ما كانت جروحي بصدري تناديك ، !

ابسط حقوقي .. بالغلا و الأماني ، !
اني ( ليا حسّيت بالفقد الاقيك ) ، !!

تدري غيابك بالعمر وش عطاني ، ؟
صبر ًجميل ، ودمعتين ً تناديك ، ؟؟

وتقول ليش افارقك ، في زماني ، ؟
وتقول ليش أزعل وافارق واخليك ،؟

‏بالله تكفى .. حط نفسك مكاني ،،!
‏تقدر تحب إنسان مايفتكر فيك ،، ؟