العودة   منتديات ابن السعودية , منتدى ابن السعودية , ابن السعودية , منتدى سعودي خليجي عربي > الـمـنـتـديـات الأدبـيـة > منتدى الشعر
 
     

إضافة رد
 
أدوات الموضوع اسلوب عرض الموضوع
#1  
قديم 09-27-2011, 02:44 PM
جريح الوقت غير متواجد حالياً
Saudi Arabia     Male
SMS ~

غائبتي اشتقت لك لاَ زِلْتُ إِلَيْكي أَشْتَاق
فَأَنَا فِي غِيَابِكَ لَسْتُ سِوَى رجل بَعْثَرَتْهَو الأَشْوَاقْ(S)!.
لوني المفضل Lightseagreen
 رقم العضوية : 9
 تاريخ التسجيل : Sep 2011
 فترة الأقامة : 4567 يوم
 أخر زيارة : 02-25-2024 (05:44 PM)
 مشاركات : 70,026 [ + ]
 التقييم : 10
بيانات اضافيه [ + ]
افتراضي كل قصايد الشاعر حامد زيد ، منتديات ابن السعودية، منتدى ابن السعودية قصائد حامد زيد ،





قصيدة ::انتي ولاشي
والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ



****** عاتبوها ******

بعد ماقابلتني عاتبوها

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي قرّبوها

وأنا ماتعّبت قلبي خيانه

خيانه رتّبوها وأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي وأزيله

وأخرّبها مثل ماخرّبوها

وأذوّقهم ندم ماصار فيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا لأبوها




*****الـــــتـــــمـــــثـــــال*****
عفا الله عن خطا غدر الخناجر والضلوع ابطال
بسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري بغربالك
انا عيب علي أنقض كلامي والرجال افعال
واذا قلت اقطع احبالك تراني بقطع حبالك
عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك
مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما جيك متواضع جيتني تختال؟
معاك اليا متي بصبر وصبري معك يحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
أنا محدن بجابرني أساير معك هالمنوال
ترى لاني تبيع لك ولا ني باصغر عيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
أبي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك
بعد ما حققت عيني فبعدك للرقاد امال
أعود للسهر؟ -- يا خوي فال الله ولا فالك!
ببدل نظرتك فيني واجي لك كل يوم بحال
بكون اقرب من ثيابك عليك ولا تهيا لك
بالمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك
أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك
أبهديك الوصال فراق واهديك الفراق وصال
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا --- وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك --- ولا عشرة من اشكالك




قصيدته في" والدته"

قصيدتـي زاد بعيونـي جمالـهـا
واخذت أنقـي بالمعانـي جزالهـا

واكتب معانيها من الشوق والغـلا
لأمي وأنا اصغر شاعر ٍمن عيالهـا


كتبتها في غربتـي يـوم رحلتـي
لمـا طرالـي بالسفـر ماطرالهـا

امي وانا بوصف لهـا زود حبهـا
وان ماحكيت لها قصيـدي حكالهـا

امي لها بالقلب والجـوف منزلـه
مكانـة ماكـل محـبـوب نالـهـا

اقرب من ظلالي وانا وسط غربتي
وانا تراي اقرب لها مـن ظلالهـا

ماشافت اعيوني من الناس غيرهـا
ولا خلـق رب الخلايـق مثالـهـا

اغلا بشر في جملة النـاس كلهـم
واكرم من ايدين المزون وهمالهـا

اتبع رضاها ورتجـي زود قربهـا
واللي طلبته من حياتـي وصالهـا

الصدق مرساها والاشواق بحرهـا
والعطف واحساس الغلا راس مالها

اهيم فيهـا وابتسـم يـوم قلبهـا
يسأل وانا قلبي يجـاوب سؤالهـا

وان اطلبتني شـي فزيـت مندفـع
اموت أنا واحمـل تعبهـا بدالهـا

واصبر على الدنيا والاحزان والتعب
واحمل على متني فطاحـل جبالهـا

واسهر اعذب راحة القلب بالشقـا
واعيش اعاني بس يرتـاح بالهـا

تربية ابوي اللي على الطيب بذكرة
اللـي وهبنـي الحيـاه ومجالهـا

نور لي ادروبي وانا طفل مبتـدي
حتى تركني واحـد مـن رجالهـا

الوالدين اولـى بالاحسـان لجلهـم
وأولى بتكريـم النفـوس وعدلهـا

اقولهـا وانـا علـى الله متـكـل
والله عليـم بقدرتـي واحتمالـهـا

ياكلمة اغلـى مـن النـاس كلهـم
ياشمـس بقلبـي بعيـد زوالـهـا

يافرحة تملي لـي الكـون باكملـه
ياشجـرة تكبـر ويكبـر ظلالهـا

تضحك لي الدنيا ليا شفـت زولهـا
مثل السمـا تزهـا بطلـة هلالهـا

والبعد عنها ياهل العـرف ماقـدره
لاشـك نـاري زايـدة بشتعالهـا

ماعيش ببلاد ولاهيـب بأرضاهـا
ولابي عيوني كـان ماهـي قبالهـا

أرض ٍ تدوس امي بالاقدام رملهـا
اموت فيها واندفـن فـي رمالها




كتبت الشعر مو لجلك.... ولكن فااااض بي بركان

واما إنتي فلا تسوين قصيده في نظر عيني...

حلفتي لي تصونيني إذا صار الزمن خوان

وأول ماعثر حظي على دربك خذلتيني...

كسر رمح الزمن صدري وجيتك أشتكي حيران...

نزعتي الرمح من صدري وفي ظهري طعنتيني !!

خساره كيف حبيتك؟نعم والله أنا ندمان...

غبي أدري! نعم أدري !مادام إنك سكنتيني...

ثلاث سنين من عمري وأنا في لعبتك غرقان..

أشيل الشوك من دربك وجرحي كان يدميني

وكنت أبكي إذا تبكين وأكون لبسمتك فرحان

وكنت أقرب من رموشك لعينك يوم تبغيني

عرفتك للأسف صحراااا...وحولّتك إلى بستان

وشلتيني غصن أخضر وفي صخرك زرعتيني

حفرتك داخلي ,ظني تصوني عشرتي أزمان

وكنت أحفر قبر موتي على ساحل شراييني

على كف الشقا نامت جروحي والألم سهران

يحطمني ...يبعثرني..وفي صحراك يرميني

ولكن عزتي ترفض أكون بدنيتي سلطان

وإن ظنك أجي أركع لرجلك ماعرفتيني

أنا ماعادتي أشحت من أمثالك رضا وإحسان

أموت بعزتي أرحم ولا ذلك يغطيني

ومادام الوفا عندك يدوّرله على عنوان

بدوّر لي على قلب يصون الحب وسنيني

ولو قلبي ذكر حبك بولّع فيه بالنيران

وأبكسرها أنا رجلي إذا صوبك تودّيني

و لودار الزمن ضدك وجيتي تطلبي الغفران

وجبتي الشمس في كفك لعندي مابتلقيني

تقول الناس في وصفك: جميله ...مثل عود البان

وإنك أجمل وأحلى بشرمخلوق من طيني

وإنك غاليه وأثمن من الياقوت والمرجان

يقوم الكون من شانك وتقعد لك بلاديني

حسافه غرّهم شكلك وياما تخدع الألوان

عموما ...قد بقت كلمه أخيره لك وسمعيني:

*إذا كنتي بنظر غيري ملاك في شكل إنسان

قسم بالله مات
سوين قصيده في نظر عيني....



قصيدة المباني

جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو إنك جيت متأخر ثواني
ماتشوف إلا بقايا من حصاه ومن حديده

من عرفتك وأنت تايه من مواني لي مواني
وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني
وأنت ماتشبع غياب ولاتخاف من النقيده

ودي أتحمد لك الله بالسلامه , مامداني
كل ماتوصل برحله ترجع برحله جديده

دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

كان فيني عيب قلي:فيني العيب الفلاني
كان هرجي مزعلك في شي قليتعيده

عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟

لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
وين حنّية زمان وفرحة العمر الرغيده ؟

وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟

واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني
اللي بنظره ينشف دم قلبي في وريده

قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده

الف مره قبله أعد القصيده من لساني
ولعنبوه أن جيت عنده قمت أخربط بالقصيده

أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده

أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني
والله إني لتركه وأن صد لعشق سيد سيده

جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده

أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد

تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده

يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني
وأنت تدري كيف كانت صدمت غيابك شديده

والله أنك لو وصلت البيت متأخر ثواني
مالقيت إلا بقايا من حصاه ومن حديده




رد مع اقتباس
قديم 09-27-2011, 03:06 PM   #2


الصورة الرمزية اسيرة زماني
اسيرة زماني غير متواجد حالياً

بيانات اضافيه [ + ]
 رقم العضوية : 7
 تاريخ التسجيل :  Sep 2011
 أخر زيارة : 11-30-2022 (07:55 PM)
 مشاركات : 1,001 [ + ]
 التقييم :  10
 الدولهـ
Saudi Arabia
 الجنس ~
Female
 SMS ~

هذا هو اللي تبيه
اني ارحل من حياتك
واشعل عيوني بــ ليه
بس خلاص
..
لوني المفضل : Black
افتراضي



كل قصائدحامدزايدروووعه
ابن السعودية
طرحت فابدعت يالغلا في طرحك
دمت ودام لنا عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك


 

رد مع اقتباس
قديم 09-27-2011, 06:31 PM   #3


الصورة الرمزية Mr:Mesho
Mr:Mesho غير متواجد حالياً

بيانات اضافيه [ + ]
 رقم العضوية : 8
 تاريخ التسجيل :  Sep 2011
 أخر زيارة : 12-08-2011 (10:54 PM)
 مشاركات : 195 [ + ]
 التقييم :  10
لوني المفضل : Cadetblue
افتراضي



يسلممو يالذوق طرح مميز جدا


 

رد مع اقتباس
قديم 09-06-2012, 12:48 PM   #4


الصورة الرمزية اسيرة زماني
اسيرة زماني غير متواجد حالياً

بيانات اضافيه [ + ]
 رقم العضوية : 7
 تاريخ التسجيل :  Sep 2011
 أخر زيارة : 11-30-2022 (07:55 PM)
 مشاركات : 1,001 [ + ]
 التقييم :  10
 الدولهـ
Saudi Arabia
 الجنس ~
Female
 SMS ~

هذا هو اللي تبيه
اني ارحل من حياتك
واشعل عيوني بــ ليه
بس خلاص
..
لوني المفضل : Black
افتراضي



ابدعت في طرحك اخوي
لاهنت


 
 توقيع : اسيرة زماني



رد مع اقتباس
قديم 12-16-2022, 07:35 PM   #5


الصورة الرمزية الطاغيهّۃ ❋!
الطاغيهّۃ ❋! غير متواجد حالياً

بيانات اضافيه [ + ]
 رقم العضوية : 16565
 تاريخ التسجيل :  Sep 2011
 أخر زيارة : 01-18-2023 (10:36 PM)
 مشاركات : 65,000 [ + ]
 التقييم :  10
 الدولهـ
Kuwait
 الجنس ~
Female
 SMS ~

طاغية بالحسن وعالي مستواها
لوني المفضل : Crimson
افتراضي



يعطيك العافيه على هالطروحات المميزه


 
 توقيع : الطاغيهّۃ ❋!



رد مع اقتباس
إضافة رد

أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:03 PM.


Powered by vBulletin® Version 3.8.5
Copyright ©2000 - 2024, Jelsoft Enterprises Ltd diamond