العودة   منتديات ابن السعودية , منتدى ابن السعودية , ابن السعودية , منتدى سعودي خليجي عربي > •·.·°¯( المنتديات الأدبية )¯`·.·• > منتدى القصص
 
     

إضافة رد
 
أدوات الموضوع اسلوب عرض الموضوع
#1  
قديم 11-25-2012, 07:58 AM
ابو راكان غير متواجد حالياً
Saudi Arabia     Male
SMS ~

ابن السعوديه
لوني المفضل Crimson
 رقم العضوية : 1
 تاريخ التسجيل : Aug 2008
 فترة الأقامة : 4617 يوم
 أخر زيارة : 03-24-2021 (04:30 PM)
 الإقامة : الرياض
 مشاركات : 100,019 [ + ]
 التقييم : 3000
بيانات اضافيه [ + ]
افتراضي الجامعة وما فيها



الجامعة وما فيها

السلام, عليكم,احبتى,فى,الله
قصة,الجامعه,وما,فيها
للكاتب, محمد, سعد


الحلـقه الاولى ( 1 )
*-*-*-*-*-*-*-*-*-*-*
قصتنا المره دى واقعيه جدا .. و حكايتها حصلت ل كتيير مننا و لكتير كانوا فى الجامعه و هتحصل ل ناس اكتر هيدخلوا الجامعه .. بطل قصتنا هو عمر .. مين عمر ده ؟ و هيعمل ايه و ايه قصته وايه حكايته ؟
تعالوا نشوف

عمر : 17 سنه
طالب فى اجازه الثانويه العامه بأنتظار النتيجه لدخول الجامعه

الحكايه بتبدأ على نتيجه الثانويه العامه و القلق و التوتر الموجوديين فى مصر كلها
ام عمر : يارب بقى ربنا يفرحلى بيك و تجيب مجموع كويس كده و تدخل كليه من كليات القمه
عمر : قمه ايه دلوقتى مش لما انجح الاول ان شاء الله ادخل معهد حتى ولا انجح بملحق
ام عمر : وكمان ملحق يا فقر من امتى وانت بتجيب ملاحق و الله وقعت امك سوده لو جبت اقل من 90 % عشان تعوض مجموع السنه اللى فاتت
عمر :ههههههه 90 % وماله ليه لا هو الكلام بفلوس ده انا مش عايز اقولك ده انا هجيب 98 % بس خايف من الحسد
ام عمر : اتريق اتريق يا ابن الظريفه ميجييش حاجه فى اللى صرفناه عليك والدروس الخصوصيه وانك كل يوم حارق دمنا يا ابنى زاكر يا ابنى اقرالك كلمتيين ينفعوك
عمر : خلاص بقى مالوش لزمه الكلامه ده واللى حصل حصل انا هنزل بقى اشوف النتيجه نزلت ولا لا عند السايبر اللى تحت الموقع مش عايز يحمل
ام عمر : انزل و طمنى لو فى حاجه ربنا معاك يا عمر يا ابنى انت و كل اللى زييك و تفرح ابوك بيك
وبعد عده دقائق ... من الانتظار و الدعاء يرجع عمر الى البيت
عمر : ياماما يا ماماااااااااااااااا يا مااماااااا نجحت يا ماما نجحت نجحت
ام عمر : عملت ايه جبت كام
عمر : مش هتصدقى جبت 95 % لا مش معقول انا حاسس انها مش نتيجتى
ام عمر : بجد 95 % لا انا مش مصدقه يا ما انت كريم يا رب الحمد لله الحمد الحمد لله
عمر : بتعيطى ليه دلوقتى بدل ما تزغرطى و تقوليلى مبروك
ام عمر : والله دى دموع الفرحه بقالنا كتير ما بنفرحش طب كلم ابوك فرحه تلاقيه قاعد على اعصابه
ام عمر : ان شاء لله تجيبلك كليه حلوه و تدخل كليه من الكليات اللى مجموعها عالى
انت كده مجموع السنتيين كام ؟
عمر : السنه اللى فاتت 74 و السنه دى 95 يبقى كله على بعضه بالسنتيين اممممم يبقى حوالى 84 ان شاء الله الحق تجاره
ام عمر : انت كنت بتغش ولا ايه يا ابن الغشاشه .. من 74 و بعدييين 95 ؟
عمر : ما انا كنت بزاكر و محدش مصدق .. و بعدين انا سنه تانيه دى مفتحتش كتاب . و الحمد لله ربنا كرمنى
ام عمر : يارب ينولك اللى فى بالك كلم ابوك بقى
_________________________________
وبعد ظهور نتيجه التنسيق
عمر : يا ماما يا ماما
ام عمر : فى ايه خدتنى مالك ؟
عمر : الحمد لله جاتلى تجااااره الحمد لله تجاره عين شمس
ام عمر : طب الحمد لله . مش دى اللى انت كان نفسك فيها
عمر : اه الحمد لله والله ربنا كريم اووووى الحمد لله
عمر : شوفت يا بابا جاتلى أيه ؟
ابو عمر : يعنى هيكون جاتلك أيه يا موكوس . يعنى طب ولا هندسه ولا يمكن قبلت فى الحربيه
عمر : عمر لنفسه - طب و هندسه ايه انا كنت ادبى اصلا - لا يا بابا جاتلى تجاره
ابو عمر : تجاره اه يعنى محاسب يعنى .... يعنى دقنى اهى لو لقيت شغل بعد ما تتخرج
عمر : لأ ان شاء الله هلاقى ووعلى فكره تجاره مش زى ما انت فاكر مالهاش مستقبل دى مستقبلها كويس جدا
ابو عمر : انت هتقولى كلهم بتوع ولاعات و لعب اطفال بيعدوا عليا ع القهوه كل يوم اهى تجاره اللى عايز تدخلها
عمر : يعنى ادخل ايه حقوق ولا اداب .. انا ده طموحى و عايزها من الاول
ابو عمر : ربنا معاك و ربنا يخيب ظنى بس المهم تفلح فى الكليه و تجيب تقدير عشان تلاقى شغل
عمر : ان شاء الله بس دعواتك معانا
____________________________
و قبل اول يوم فى الجامعه .. عمر يتقابل مع صاحبه ( كريم )
كريم : ايوه يا عم داخل تجاره و عين شمس يعنى محدش ادك يعنى هتقضيها بنااااات يا ابن اللعيبه
عمر : بنات ايه بس .. ده الواحد مش عارف يعمل أيه بكره مش متخيل المنظر مش عارف خايف اوى وزى ما انت عارف ولا واحد من صحابنا دخل معايا كلكوا قاهره او حلوان و سايبنى انا لوحدى
كريم : وحد قلك ادخل عين شمس برده تلاقيك داخلها عشان البنات متعملش فيها شريف
عمر : بنات ايه يا ابنى .. ده انا لخمه ده الخوف لواحده تيجى تكلمنى و معرفش ترد عليها و بعدين انا دخلت عين شمس بيقولوا مستقبلها احسن وشهادتها اعلى
كريم : اعلى ايه بس .. وحياتك ولا كده هنشتغل ولا كده هنشتغل
عمر : هههههههههههههههههههههههه اتكلم عن نفسك ان شاء الله انا ناويها مزاكره
كريم : هو فى حد بيزاكر فى الجامعه يا ابنى الجامعه دى احلى عيشه زى اخويا م قضيها فيس بوك و بنات و موبيلات ده انا عمرى ما شفته فتح كتاب قدامى
عمر : ما هو عشان كده فلح و بقاله 6 سنين فى الكليه ولسه متخرجش
كريم : وفيها ايه يعنى ما هو سواء اتخرج ما اتخرجش هياخد المصروف اهو يخليه مقضيها كده شويه
عمر : والله انت و اخوك مفييش امل منكم .. هروح انام انا عشان اصحى بدرى و ربنا يسترها يا كيمو
كريم : ملكش دعوه البس انت و اتشيك بكره و ادخل بقلب جامد على اى بت و ادعيلى
عمر : قلب هو الواحد فى قلب .. ماشى المهم انت تعمل كده و مش كلام وبس شكلك هتتطلع بتتكسف اكتر منى
كريم : هههههههههههه انا بتكسف شكلك ما تعرفنييش يلا تصبح على خير
عمر : و انت من اهله .. سلاااااااااااااام و كلمنى بكره وقولى ايه النظام عندك
كريم : ماشى يلا سلام
________________________
ويجى اول يوم جامعه على عمر .. بعالم جديد غريب عليه شاف اشكال والوان ومش عارف ولا يروح فين ولا يجى منين
ياترى ايه هيكون اول يوم فى الجامعه .. ولا مين البنات اللى ممكن يكلمهم زى ما كريم قاله ,, وياترى هيدخل بقلب جامد و يعرف يتعامل و يتصرف ؟
تعالوا نشوف
..........
......
...
ويجى اول يوم جامعه على عمر .. و هو نازل شيك و طبعان حاطط بيرفيوم تمام و مبهدل الدنيا
ده غير انه جايب لبس جديد للجامعه يعنى 10 على 10

عمر :- بينه وبين نفسه - ياااارب مش عارف اعمل أيه فى اللى بيحصل ده يارب اقابل اى حد اعرفه انا حاسس انى تايه
مش عارف اعمل أيه .. طب اروح اتعرف على ناس ولا استنى حد يعبرنى .. طب ما انا واقف هنا بقالى ساعه و محدش قالى سلامو عليكم .. لا انا روح و اعمل نفسى جرئ اشوف الشله اللى هناك دى شكلهم طيبيين و الحمد لله شباب بس مفييش بنات عشان ميكنش فى احرج
عمر : سلام عليكم
الشله : و عليكم السلام
عمر : انا ان شاء الله معاكم فى الجامعه فى سنه اولى تجاره
الشله : اهلا وسهلا على فكره مبنى تجاره من هنا
عمر : - لنفسه - يالهوى ع الاحراج دول وبقول عليهم طيبيين طب والله لو ما اتكلموا عدل ل امشى و اسيبهم
طب مقولتلييش برده انتوا فى كليه ايه
الشله : يهمك تعرف يعنى ؟ كلنا فى حقوق يا سيدى ماعادا خالد فى تجاره
عمر : شكرا و فرصه سعيده
عمر : - لنفسه - ياخوفى لكل واحد يعمل معايا كده ده كويس انى مشيت ده انا كنت هضرب
بس ايه الاجسام دى بس وانا اللى اقول ان جسمى رياضى ده انا طلع عندى جفاف بس لا مش هسكت على نفسى و لازم اروح الجيم
طب انا هروح اشوف الجدول احسن و امشى ولا عايز اتعرف ولا عايز اتنيل هى الجامعه باينه من اولها والله ثانوى كانت ارحم
و تظهر بنت
لو سمحت لو سمحت : هو جدول تجاره فين البنت :
عمر : - ارد اقول ايه ده ايه الخوف ده - ... الجدول اه الجدول تجاره مش عارف لا لا ياربى تجاره اهو ما انا بنقله
البنت : شكرا انت فى سنه اولى صح ؟
عمر : اه ان شاء الله اصل انا جبت 84 % و جاتلى تجاره عين شمس مع ان صحابى كلهم فى القاهره عشان كده انا لوحدى ومش عارف اى حد و اظاهر انى هحول على اخر الاسبوع
البنت : لا انا كمان كده بس متقلقش كلنا مع بعض ان شاء الله انا - هبه - و فرصه سعيده و ان شاء الله متحسش بوحده اليوميين الجايين
عمر : ميرسى و انا عمر و واانا والله اسعد ده انا قلت محدش هيعبرنى بس اظاهر فى امل اهو اشوفك فى محاضره بكره بقى
هبه : لنفسها - ده جو الشحاته الى هو فيه ده يارتنى ما سألت ع الجدول امال لو سألت على شئون الطلبه مكنتش همشى انهارده بس دمه خفيف والله تحفه اوى - اوك اشوفك بكره ان شاء الله
عمر : انا برده كنت واخد بالى قشطه عليك يا واد يا عمر البت شكلها واقعه اصلا و مش لاقيه حجه تقولها مش عارف ليه حاسس انها معجبه بس دى كمان مشفتنييش بالتيشيرت الاسود وكمان مع البنطلون الجديد ممكن تتطلب رقم التليفون لا ما الجامعه حلوه اهى امل بيخوفونا منها ليه
_________________________
ويروح البيت فى اليوم ده و هو مش بيفكر غير فى انه هيعمل أيه بكره و هيشوف هبه دى تانى ولا
ويقابل كريم باليل عشان يشوف ايه اللى حصل واهو يتعمل منه هيعمل أيه بكره مع هبه
كريم : يالهوووووى يا عمر كان حته يوم جامد اخر حاجه و لا البنات بقى ده هما اللى بيجوا بتعرفوا
عمر : اه ولقيت مين معاك من صحابنا
كريم : قصدك تقول مش من معايا من صحابنا يا ابنى الشله كلها سامح ووائل و على و اكرم و الواد احمد حسن و امير الشله كلها هناك بقلك يوم جامد و مش هتصدق حصل ايه تانى
عمر : هو لسه فى تانى .. ها حصل ايه ؟
كريم : خدتلك بقى يا معلم رقميين بتوع بنتيين زى القمر و كمان خدت ايميل واحده و هعملها اد لما اروح
عمر : امممم اوك .. هو انت عندك محاضرات بكره ؟
كريم : محضارات ايه انت كمان بقولك بنات و ارقام و خروجات و تقولى محضرات بس طمنى انت عملت أيه برده لسه غلبان ومش عارف تعمل حاجه ؟
عمر : انا لا خالص برده اتكلمت مع شله كده و كانوا كويسيين اوى معايا و ادونى ارقام تلفوناتهم وقولوى كلمنا لو احتجت حاجه و ان شاء الله هقبالهم فى المترو بكره نروح سوا و كمان فى بنت جت اتعرفت عليا و اصلا مشلتلش عنيها من عليا من ساعه ما جيت
كريم : قشطه يا ماو بس المهم عقلت رقم التليفون او الميل
عمر : لا مكنش فى وقت و قلت اتقل شويه و بينى وبينك اتكسفت اوى اوى ما انت عارف ده كويس انى كلمتها اصلا
كريم : طب تمام خليك وراها بكره يلا سلام عشان مستنى العيال نروح سوا بكره يلا وانت روح نام عشان تحضر المحاضره بتاعة الصبح ههههههههههههههههه
عمر : اتريق اه هحضر مش هقضيها زيك يلا سلاااام
كريم : سلاااااااااااااااااااااااااام
_____________________________
ويجى اليوم التانى و عمر مستنى بفارغ الصبر انه يشوف هبه او حد يعبره بس هبه متجييش
و حضر اول محاضره ليه و جوا المحاضره اتعرف على اول زميل وهو عبد لله
عبد لله : ازيك عامل أيه ؟ انا عبد لله معاك فى الدفعه
عمر : الحمد لله تمام انا عمر وشكلى معاك فى نفس الدفعه
عبد لله : مش بتكتب ورا الدكتور ليه
عمر : هو الحاجات اللى المستر بيقولها دى مهمه تتكتب يعنى ؟
عبد لله : مستر هههههههههههههههههه مستر ايه احنا كبرنا اسمه دكتوور اه والحاجات اللى بيقولها المفروض انها مهمه و بيجى منها الامتحان
عمر : معلش بقى الكلمه جديده عليا . طب والحصه الجايه فين ,, قصدى المحاضره معلش بقى استحملنى مخدتش ع النظام
عبد لله : الحصه الجايه فى مدرج ( ب ) و خد رقم تليفونى عشان لو تهت
عمر : اه شكرا هرنلك اهو سجل الرقم بقى اوك
__________________________
ويعدى تانى يوم على عمر و كان يوم حلو بالنسباله اوى لأنه اتكلم مع حد و حس ان الجامعه عاديه خالص وانه خلاص خد ع الجو و استمر على كده و اتعرف على شباب كتير من الدفعه عنده و يمكن كمان بقى ليه صحاب و يهزر و يقعد و يفطر ويمشى معاهم الحياه دى استمرت فتره لحد ما اعجب ب اول بنت ؟ ؟ ؟
ونقول عليه اعجاب من اول نظره بلاش حب من اول نظره بس لو اعجباب بقى بدرجه كبيره جدا
من اول يوم شافها و هو بيفكر فيها و بيحاول يعرف مين دى و اسمها ايه و قرر انه يوصلها وانه يكلمها
-*-*-*-*-*-*--*-*-*-*-*-*-*-*-*
بس شافها مش بتكلم اى ولد خالص ولا بتكلم حد فقرر انه يعرف صحابها الاول و بعدها يبقى يكلمها وبرده مجتش الفرصه انها تكلمه او تعبره
و اخيراااااااااااااا عرف اسمها بس مش بالساهل عرفه فى الموقف ده :
فى يوم استغرب ولاقاها بتسأل واحد فى الدفعه -محمود- عن حاجه فشاف كده وراح ادخل فى الكلام
محمود : والله مش فاكر الدكتور قال ايه بس هسأل على يمكن يعرف
عمر : عايز تسأل عن ايه ؟
محمود : هو الدكتور قال انى فصل اللى ملغى
عمر : مش عارف و الله بس متهيألى التالت
هى : شكرا ......... ومشيت
جيه دوره بقى يعمل التحريات
عمر : محمود هى دى معانا فى الدفعه ؟
محمود : اه
عمر : اه افتكرت قالتى قبل كده على اسمها بس نسيت اسمها ايه فكرنى كده
محمود : قصدك ع اللى ندى .. اسمها ندى
عمر : اه صح صح افتكرت ماشى هروح انا اقعد ورا بقى
________________________
ومن بعد ما عرف اسمها و هو مش بيفكر غير فيه لحد ما فى 3 اسابيع اتحول الاعجاب ده لحب بس من طرف واحد .. كل ده و معرفش يكلمها يادوب عرف اسمها و يراقب تصارفتها ... بس الفتره دى معدتش كده فى الفتره دى عرف بنات كتير جدا من الجامعه ومن الكليه عنده من باب الزماله والصداقه طبعا لأن القلب مشغول
لحد ما جيه اليوم اللى كلمها فيه اخيراااااااا
وطبعا مجاش بسهوله جيه بعد الموقف ده :
.
.
و خلصت حلقتنا .. يووووووووووووه بقى . معلش معلش
ان شاء الله لو تابعتوا الحلقه الجايه هتعرفوا ايه اللى حصل
شكرا لمتتباعتكم

سؤال الحلقه دى
ممكن الواحد يحب حد من غير ما يتكلم معاه .. مجرد بس انه يشوفه ؟ ولا ده اعجاب وبس ؟

ــــــــــــــــــــــــــــ
دى كانت الحلقه الاولى من قصتنا الجديده نكمل ولا كفايه عليها حلقه واحده و كفايه رغى بقى وقصص رخمه ؟




رد مع اقتباس
إضافة رد

أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:41 AM.


Powered by vBulletin® Version 3.8.5
Copyright ©2000 - 2021, Jelsoft Enterprises Ltd diamond