ياللي وطـن قلبـي تحـت عـرش ايـاديك

يفداك منـهو ذم طيفـك وخانـك

ادري ولا حاجـه من اعـداك تخفـيك

لكـن تتغـاضى وتعـلو بشـانك

ياللـي قهـرت البعـض مـن صـرت اغلـيك

يبقـى مكانـك فـي ضلـوعي مكـانـك

شافـوني احبـك وضـايقتهـم فيـك

مدري انـا لـيـه الـعـداوه عـشـانـك

لا تنـشـغل بالـلـي يـذمون طـاريـك

انت اطيـب قـلوب البشـر فـي زمـانك

وان زعلـوك ابشـر بقلـب(ن) يراضـيك

يهـين مـن ذمـك بظـهـرك وهـانـك

دايـم نجـاح الـحـب يقهـر معاديـك

وانـت اللـي بقـلـبـك يقـولـه لسـانـك

الله يـديمـك لـي والله يـخليك

نفـسي بـأمـان الله وثـم بـأمـانك