تذكارحبك
أرجوك لاتنسي مع الوقت ماضيك
تذكار حبك احفظه ياحياتي

خل الفراق وطاري البعد ينسيك
بس أفتكر حبي ولو في مماتي

انت الوحيد اللي ينعش الروح طاريك
انت الغلا يامنيتي ياغناتي

ماحدن وصل قدرك ولحدن يساويك
متربع في وسط روحي وذاتي

خل الزمان وقاسي الوقت ينسيك
حبن بنيته بالبقى والثباتي

هدمت عرش الحب وأعلنت أبيك
ياشين من مثلي يسوي سواتي

وفيت في بعدك ومازلت أبيك
وانتظر حنين راح ويرجع وياتي

كنت الوحيد اللي من الجرح يشفيك
وادعي لك بالصحه وانا في صلاتي

ولكن نسيت اللي من الناس هاويك
أبعدتني عني يوم شانه حياتي

الله يحفضك يالغلا في خطاويك
مانساك للين الموت يكتب وصاتي