منتديات ابن السعودية , منتدى ابن السعودية , ابن السعودية , منتدى سعودي خليجي عربي

الله يعُوُضَـك يـا وطـن فـي كحيـلان
ويجبـر قلـوب الـكـل شـعـب ٍوقــاده
ترثـيـك جــزلات القـوافـي والأوزان
ونـزف القلـوب اللـي نثـرنـا مــداده
ويرثيـك طفـلٍ ضمـتـه يــدّ سلـطـان
ضـاع الفـرح مـنّـه ومعـلـن حــداده
ويرثيـك كـل الشعـب شيـبٍ وشبـان
وحتى الرضيع اللي بعـد فـي مهـاده
ويبكيك صرح الجو وصقور حوران
اللـي استقـوا مـن معرفتـك القـيـاده
ويبكـيـك مكـسـور عـويـق وفـقـران
يلـطـمـه حـــر الـجــوع ولا بــــراده
في مركزك مُدت يد الجـود بإحسـان
ضمدت جرحـه يـوم جرحـه وسـاده
خفـفـت عـنـه مــا تلـظّـى بحـرمـان
وكنـت الـدوا يـا سيـدي والضـمـاده
ومحميتك من جايـر الصيـد تنصـان
عـزيـتـهــا لا تـعـتـريـهـا الإبــــــاده
كـل المدايـن والشـوارع والإسـكـان
تنـوح صمـت وماأغتشتهـا الـبـلاده
حتى الجنوب اللي لبسمتـك عنـوان
لابـس مــن أطمارالتعـاسـه ســواده
كـم ليلـة يحـيـا بـروحـك وسـهـران
حتـى غديـت بوسـط صــدره قــلاده
يبكيـك قصـر ابهـا ويبكـيـك نـهـران
يوم انت ريف الضيف راع ِالسيـاده
يـا عـل قبـرك روض روح وريحـان
مع النبي والصحـب وأهـل الشهـادة
يالله يــا منـشـي همالـيـل الأمـــزان
يللي علـى المـا ثقـل عرشـه اشـاده
تحسن عـزا قلـب تحَاوِطْـه الأحـزان
فـي ركــن شـامـخ للـوفـا والـريـاده