قصيدة فمان الله : للشاعر سعود الصليلي
 

فمان الله ياوجهن عرفته من ثلاث سنين
فمان الله ياملح الحياه وصفحة الماضي


فمان الله انا بعدك ياليت اسلى مع السالين
تفارقنا غصب لكن على الفرقى ماني راضي


يمر الوقت بغيابك حنين الشوق بنسى وين
ويمر الليل من دونك وانا جالس على الفاضي


اكابد لوعت النسيان ورسمت صورتك بالعين
انا وشلون ابي انسى ولك في قلبي اراضي


بقايا ذكرياتك موحشه عقبك يالين الحين
اشوفك بيني وبيني واحسك بكثر اغراضي


عدالات المحبه بالهوا ترجع على الشخصين
وعدالات البلد لابد ماتحتاج للقاضي


صحيح انه تفارقنا ولكن بالزمن باقين
امانه لاتحب غيري وانا بصبر ومتغاضي



وفمان الله ياقلبن اخذني من ثلاث سنين
وفمان الله ياملح الحياه وصفحة الماضي .

صح بدنك ، نورتني