منتديات ابن السعودية , منتدى  ابن السعودية ,  ابن السعودية , منتدى سعودي خليجي عربي

منتديات ابن السعودية , منتدى ابن السعودية , ابن السعودية , منتدى سعودي خليجي عربي (http://www.ksaso0on.com/vb/index.php)
-   منتدى القصص (http://www.ksaso0on.com/vb/forumdisplay.php?f=14)
-   -   قصة شاعر (http://www.ksaso0on.com/vb/showthread.php?t=201109)

الطاغيهّۃ ❋! 05-16-2022 09:55 AM

قصة شاعر
 
هاذي قصة شاعر ما وفّقه النصيب
واللي يحبها خذاها واحد غيره وكتب قصيده يوصيه يقول فيها :

أبد ما جيت ابارك لك ولكن جيت باوصّيك
‏على اللي ناوي ٍ تدخل بها الليله .. مُعذّبْتي
‏°

‏ترى لولا الظروف اللي عطتْك وحدّت محاكيك
‏قسم بالله ما تدخل عليها لو على " رْقبْتي "
‏°
‏ولكنّ النصيب اقوى ولا ادري ويش اسوّي فيك
‏( نعم صارت معزّبتك ولا صارت معزّبْتي )

كذا شاءت بنا الأقدار تحرمني لجل تعطيك
‏كذا لازم عشان تفوز انت .. أخسر بتجربْتي
‏°
‏تراها غاليه جداً وتكفى والله يخليك
‏تدللها .. تدلعها .. تنسّيها مصاحبْتي
‏°
‏أنا من كثر ما اغليها أحس اني بديت اغليك
‏( ولا تسأل بأيّة حق ولا ّ وش مناسبْتي )

لإنك لو بتسألني بتسمع شيء ما يرضيك
‏لذا ياخوي لا تسأل ولا تسمع لأجوبْتي
‏°
‏أبيك تحطها في داخل عيونك وبين ايديك
‏وهي دلوعه اعتادت على كثرة مداعبْتي
‏°
‏فداعبها شوي شوي حتى تشتهي طاريك
‏وشاغبها إلين تقول لك : بطّل مشاغبْتي

واذا هي مالها خلقك .. ولا تضحك ولا تسلّيك
‏( تحمّلها وإسألها : يا عمري ليه عصّبْتي )
‏°
‏وبالك اسمع انّك يوم تضربها وهي تشكيك
‏ما يحتاج اورّي لك بفن الضرب موهبْتي
‏°
‏صحيح انك بتملكها ومعك العقد بالتمليك
‏وانا عارف حدود الله ومن حقك معاقبْتي

‏"ولكن قلّها المجنون وصّاني وهو يعنيك
‏يقول انّه بينتظرك ولو شيّب وشيّبتي"

ابو راكان 05-20-2022 03:16 PM

صح لسانك ولسانه ابدعتي ي اميرتي

الطاغيهّۃ ❋! 05-20-2022 03:43 PM

صح بدنك ، نورت


الساعة الآن 09:59 PM.

Powered by vBulletin® Version 3.8.5
Copyright ©2000 - 2024, Jelsoft Enterprises Ltd diamond

a.d - i.s.s.w