أنا ماني مثل غيري : للشاعر خالد دخيل
 

أنا ماني مثل غيري أصد إن ضاق بك وقتك

حشى ماهوب من طبعي ولا هاذي سواليفي

أنا مركاك لو جار الزمان وملت سندتك

ولو ترجع بذاكرتك تجملني مواقيفي


يوم إن الوقت خانك وأقرب الناس خذلك صنتك

أقلط حزنك فصدري وأرحب به مثل ضيفي

وأعوم بحزنك وأغرق وأصيح وما تنكرتك

أصادم موجه وما أشكي ولو كسر مجاديفي


ولاشي ردني عنك ولو عافوك ماعفتك

أجيك بكل مافيني ولو زادت تكاليفي

ومدام إن الوفى طبعي وعلى هالطيب عودتك

أنا ببقى تحت شمسك وخلك في وسط ريفي